Harry Kane është shpallur fitues i Këpucës së Artë të Evropës për sezonin 2025/26, pasi përfundoi si golashënuesi më i mirë në kampionatet evropiane me 36 gola në Bundesliga. Sulmuesi anglez e fiton këtë çmim për herë të dytë në karrierë, pas suksesit të parë në sezonin 2023/24. Me këtë triumf, Kane i bashkohet një grupi të veçantë futbollistësh që e kanë fituar trofeun më shumë se një herë, ndërsa vetëm Lionel Messi dhe Cristiano Ronaldo kanë më shumë Këpucë të Arta se ai. Ceremonia e dorëzimit të trofeut do të mbahet më 19 gusht në Muzeun e Bayern Munichut.

Në Bayern Munich, Kane është vlerësuar lart për kontributin e tij dhe ndikimin që ka në skuadër. Presidenti Herbert Hainer e ka krahasuar atë me legjenda të klubit si Gerd Müller dhe Karl-Heinz Rummenigge, ndërsa drejtori Jan-Christian Dreesen e ka cilësuar si një prej sulmuesve më të kompletuar të gjeneratës së tij. Në moshën 33-vjeçare, Kane vazhdon të jetë një prej golashënuesve më produktivë në Evropë, duke e shtuar edhe një tjetër trofe individual të rëndësishëm në karrierën e tij.