Presidenti i FIFA-s, Gianni Infantino, ka nisur të konsolidojë mbështetjen përpara zgjedhjeve të planifikuara në mars të vitit të ardhshëm, pas kritikave të forta që pasuan propozimin e tij për shitjen e një pjese të të drejtave të Kupës së Botës. Edhe pse e tërhoqi këtë iniciativë dhe kërkoi falje para anëtarëve të FIFA-s, raportet me UEFA-n mbeten të tensionuara.

Në takimin e fundit të FIFA-s në Marok, Infantino siguroi mbështetje unanime nga Konfederata e Futbollit Afrikan (CAF), ndërsa Federata Meksikane e Futbollit dhe Federata Argjentinase e Futbollit gjithashtu dolën publikisht në mbështetje të tij. Këto zhvillime forcojnë pozitën e presidentit aktual të FIFA-s në prag të garës për një mandat të ri.