Didier Deschamps nuk do të marrë drejtimin e Al-Ahli, pasi bisedimet me klubin saudit përfunduan pa marrëveshje. Trajneri francez, i cili u largua nga drejtimi i kombëtares së Francës muajin e kaluar, kërkoi një rol më të madh në vendimmarrjen sportive të klubit, ndërsa drejtuesit e Al-Ahli preferuan një model tjetër menaxhimi. Si pasojë, klubi vendosi të emërojë Marino Pusic, i cili firmosi kontratë deri në vitin 2028.

Megjithëse refuzoi ofertën multimilionëshe të Al-Ahli, Arabia Saudite mbetet një destinacion i mundshëm për Deschamps në të ardhmen. Duke qenë aktualisht pa kontratë, 57-vjeçari është i lirë të shqyrtojë oferta të reja dhe pritet të rikthehet në stol vetëm nëse gjen një projekt që i garanton autoritetin sportiv që kërkon.