Mënyra se si e fillojmë ditën ka ndikim të drejtpërdrejtë në energjinë, humorin dhe produktivitetin tonë. Ekspertët e mirëqenies theksojnë rëndësinë e krijimit të një rutine të mëngjesit, duke e konsideruar atë si një investim për shëndetin mendor dhe fizik. “Minutat e para të mëngjesit janë vendimtare për të orientuar ditën në drejtimin e duhur”, thotë edukatorja e shëndetit Daphne Javitch.

Nga ritualet e thjeshta si pirja e lëngjeve deri në drekë, kujdesi për ambientin, meditimi, këndimi i mantrave ose ujitja e bimëve në shtëpi, çdo veprim i vogël ka potencialin të sjellë më shumë energji dhe qartësi mendore.

Ekspertja Tonya Papanikolov sugjeron përdorimin e kërpudhave Reishi ose Shitake në mëngjes për përfitime shëndetësore, ndërsa artistja Cassi Gibson thekson rëndësinë e kujdesit për hapësirën ku jetojmë, si një mënyrë për të pastruar edhe mendjen.

Dr. Pratima Raichur këshillon meditimin dhe këndimin e mantrave për të përhapur dashurinë dhe energjinë pozitive. Nga ana tjetër, Deborah Hanekamp thekson rëndësinë e përqendrimit: “Mos e prek telefonin për të paktën 45 minuta pasi të zgjohesh, dhe vendos një qëllim të qartë për ditën.”

Këto rituale të vogla të mëngjesit mund të bëhen pjesë e përditshmërisë suaj dhe të ndihmojnë në ndërtimin e një jete më të ekuilibruar, më të shëndetshme dhe më të fokusuar.