Virginia Hugo-Vidal është studentja e parë amerikane që ndjek studimet e rregullta në nivelin master në Fakultetin Juridik të Universitetit të Prishtinës.

Më 7 tetor 2026, ajo u prit në një takim mirëseardhjeje nga dekani i Fakultetit Juridik, prof. Avni Puka.

Hugo-Vidal do të studiojë në programin në gjuhën angleze “Human Rights, International Criminal Law and Transitional Justice”, i cili përfshin të drejtat e njeriut, të drejtën penale ndërkombëtare dhe drejtësinë tranzicionale.

Sipas Fakultetit Juridik, ky zhvillim është pjesë e ndërkombëtarizimit të Universitetit të Prishtinës. Që nga viti akademik 2023/2024, në këtë program janë përfshirë edhe studentë dhe profesorë ndërkombëtarë.

Përfshirja e studentëve nga vende të ndryshme synon të nxisë shkëmbimin e përvojave akademike dhe bashkëpunimin ndërkombëtar në fushën e studimeve juridike.