Filmi “Coyote vs. Acme” ka humbur më shumë se 1 mijë ekrane në kinema, pak më shumë se një muaj pas premierës.

Filmi, me regji të Dave Green dhe me protagonistë Will Forte, Lana Condor dhe John Cena, pati një rrugëtim të vështirë drejt publikimit. Në vitin 2023, Warner Bros. vendosi ta anulonte dhe ta përdorte si fshirje tatimore, por më pas kompania Ketchup Entertainment bleu të drejtat e shpërndarjes.

Filmi u publikua në kinema më 28 gusht në 3,575 ekrane, ndërsa në javën e dytë numri u rrit në 3,727. Deri më 25 shtator, “Coyote vs. Acme” shfaqej në vetëm 1,905 ekrane.

Megjithatë, kjo nuk do të thotë domosdoshmërisht se filmi ka dështuar. Më 29 shtator, ai kaloi edhe në platformat VOD, një praktikë tashmë e zakonshme pas disa javësh në kinema.

Deri tani, filmi ka arkëtuar më shumë se 97 milionë dollarë në mbarë botën dhe është pritur shumë mirë nga publiku dhe kritikët. Në Rotten Tomatoes, ai ka 96% vlerësim nga kritikët dhe 94% nga publiku.

Filmi tregon historinë e Wile E. Coyote, i cili bashkohet me një avokat për të paditur kompaninë ACME, pas gjithë katastrofave që i ka shkaktuar gjatë përpjekjeve për të kapur Road Runner.