Filmi “Spider-Man: Brand New Day” është larguar nga 685 kinema, pas më shumë se dy muajsh shfaqje në ekranet e mëdha.

Megjithatë, kjo nuk lidhet me dështimin e filmit. Përkundrazi, prodhimi i Disney dhe Sony ka arkëtuar rreth 2.5 miliardë dollarë në mbarë botën, duke u bërë filmi me fitimet më të larta të vitit 2026 dhe një nga filmat më të suksesshëm në historinë e kinemasë.

Filmi, me Tom Holland në rolin e Spider-Man, nisi shfaqjen në kinema më 31 korrik, ndërsa nga 6 tetori është bërë i disponueshëm edhe në platformat digjitale.

Pavarësisht daljes online, shumë kinema vazhdojnë ta shfaqin filmin, falë kërkesës së publikut. “Brand New Day” ka marrë gjithashtu vlerësime pozitive, me 90% nga kritikët dhe 97% nga publiku në Rotten Tomatoes.

Ndërkohë, raportohet se mund të ketë edhe një rikthim të filmit në kinema, me skena të reja që nuk janë parë më parë.