Aktorja e njohur amerikane Eva Marie Saint ka ndërruar jetë në moshën 102-vjeçare.

Saint u bë e famshme për rolin e Eve Kendall në filmin klasik të Alfred Hitchcock, North by Northwest, si dhe për interpretimin në On the Waterfront, rol për të cilin fitoi Oscar-in për aktoren më të mirë në rol dytësor.

Ajo u njoh edhe nga brezi i ri për rolin e Martha Kent, nënës adoptuese të Supermanit, në filmin Superman Returns të vitit 2006.

Sipas përfaqësuesit të saj, aktorja vdiq më 6 tetor në shtëpinë e saj në Los Angeles, për shkaqe natyrale, e rrethuar nga familjarët dhe njerëzit e saj të afërt.

Përveç kinemasë, Saint pati një karrierë të gjatë në televizion dhe teatër. Ajo u nominua pesë herë për çmimin Emmy dhe fitoi një të tillë për rolin në People Like Us.

Eva Marie Saint la pas dy fëmijë, katër nipër e mbesa dhe dy stërnipër.