Kryetari i Odës Ekonomike të Kosovës, Lulzim Rafuna, ka kërkuar nga Qeveria marrjen e masave urgjente për përballimin e rritjes së inflacionit.

Rafuna ka propozuar uljen ose heqjen e përkohshme të akcizës apo TVSH-së për derivatet, duke theksuar se masat duhet të fokusohen veçanërisht në bujqësi dhe transport, sektorë që ndikojnë drejtpërdrejt në çmimet e produkteve dhe shërbimeve.

Sipas Rafunës, inflacioni është rritur nga 5.3 për qind në fillim të vitit në 7.2 për qind.

Ai ka paralajmëruar se situata mund të vështirësohet edhe më shumë gjatë dimrit, për shkak të faktorëve gjeopolitikë dhe zhvillimeve në tregjet ndërkombëtare.