Netflix ka siguruar të drejtat për filmin e ri komedi “Wingmom”, të shkruar nga Sam Laybourne, producent ekzekutiv i serialit të njohur Ghosts.

Filmi do të ndjekë një nënë beqare, jashtëzakonisht të përkushtuar ndaj djalit të saj 25-vjeçar, i cili nuk është i interesuar për lidhjet romantike. E bindur se ai ka nevojë për ndihmë, nëna vendos t’i mësojë se si të krijojë lidhje dhe shndërrohet në “wingmom”-in e tij.

“Wingmom” pritet të jetë një komedi R-rated, me humor më të guximshëm, në stilin e filmave të hershëm të Judd Apatow, si The 40-Year-Old Virgin dhe Knocked Up.

Filmi do të prodhohet nga Jeff Robinov dhe Tabitha Shick, ndërsa ende nuk është bërë i ditur kastin zyrtar apo data e fillimit të xhirimeve.

Sam Laybourne njihet edhe për punën në Acapulco, Black-ish dhe Arrested Development, ndërsa aktualisht është producent ekzekutiv i Ghosts.