Filmi i ri me protagonist Andrew Garfield, The Uprising, është zbuluar si një histori e lidhur me origjinën e legjendës së Robin Hood.

Filmi bazohet në Revoltën e Fshatarëve të vitit 1381 në Angli, një ngjarje historike që lidhet me frymëzimin e legjendës së Robin Hood. Në trailerin e ri, Garfield shfaqet si një fermer që përballet me një mbledhës taksash dhe kundërshton hapur kërkesat e tij.

Filmi drejtohet dhe është shkruar nga Paul Greengrass, ndërsa në kast janë edhe Jamie Bell, Tom Hollander, Cosmo Jarvis, Stephen Dillane dhe Thomasin McKenzie.

Interesant është fakti se The Uprising do të jetë filmi i dytë me temë Robin Hood që publikohet këtë vit, pas The Death of Robin Hood, me Hugh Jackman.

The Uprising pritet të shfaqet në kinema më 11 shtator 2026.