Presidenti i Turqisë, Recep Tayyip Erdogan, ka befasuar liderët e NATO-s gjatë samitit të fundit në Ankara, duke u dhuruar nga një revole të vërtetë me municion të gjallë. Qëllimi i kësaj dhurate ishte promovimi i industrisë turke të armëve, e cila viteve të fundit është bërë një mjet i fuqishëm i politikës së jashtme dhe eksportit të vendit.

Dhurata, një revole e rrallë e tipit Gumusay .357 Magnum e prodhuar në vitet e '90-ta, ishte e vendosur në një kuti druri me logon e NATO-s dhe flamurin turk, ku çdo armë kishte të gdhendur emrin e liderit përkatës. Kryeministri britanik Keir Starmer mori gjithashtu një pajisje pastrimi dhe 500 fishekë, ndërsa kryeministri i Kanadasë, Mark Carney, bëri bëri shaka duke thënë se dhurata e tij me shurup panje nuk krahasohej fare me këtë të Turqisë.

Pranimi i kësaj dhurate ka shkaktuar telashe burokratike dhe sigurie për shumë liderë evropianë pas zbritjes në aeroportet e tyre. Për shembull, Kryeministri i Belgjikës, Bart De Wever, ia dorëzoi menjëherë revolen policisë së aeroportit të Brukselit për ta futur në seif, ndërsa liderët e Suedisë dhe Holandës vendosën t'i lënë armët në ambasadat e tyre në Ankara për shkak të procedurave të doganës. Sipas të dhënave ndërkombëtare, Turqia është eksportuesi i tretë më i madh në botë i armëve të vogla.