Sot, më 1 qershor, shënohet Dita Ndërkombëtare e Fëmijëve, një ditë e dedikuar promovimit dhe mbrojtjes së të drejtave të fëmijëve në mbarë botën.

Kjo ditë ka origjinën në përpjekjet ndërkombëtare që u forcuan me Deklaratën për të Drejtat e Fëmijës të vitit 1959 dhe Konventën e OKB-së për të Drejtat e Fëmijës të vitit 1989.

Megjithëse janë bërë hapa përpara, sfidat globale për fëmijët mbeten të mëdha, duke përfshirë mungesën e qasjes në arsim, varfërinë ushqimore dhe fenomenin e martesave të hershme.

Në Kosovë, me rastin e kësaj dite, Komuna e Prishtinës dhe organizata ETEA po organizojnë aktivitetin “Përtej festës: Flasim për sigurinë e fëmijëve në shkolla”, me fokus krijimin e një mjedisi më të sigurt dhe mbështetës për fëmijët në shkolla.