Kendall Jenner dhe Jacob Elordi janë rikthyer në qendër të thashethemeve rozë pasi u fotografuan së bashku në një plazh privat në Kauai.

Sipas raportimeve të TMZ

, dyshja u pa duke kaluar kohë shumë pranë njëri-tjetrit në një ambient mjaft privat buzë detit, gjë që ka shtuar spekulimet për një romancë të mundshme.

Në fotografinë që po qarkullon në rrjet, Kendall shihet e relaksuar në rërë me bikini dhe një shishe verë rosé në dorë, ndërsa Jacob Elordi qëndron pranë saj i veshur me pantallona të shkurtra dhe kapele sportive.

Burime pranë tyre kanë deklaruar më herët se ata thjesht po njihen dhe po kalojnë kohë bashkë, por fansat besojnë se raporti mes tyre mund të ketë kaluar përtej miqësisë, sidomos pas afrimit që u vu re gjatë Coachella.

Deri tani, as Kendall Jenner dhe as Jacob Elordi nuk kanë komentuar publikisht mbi raportin e tyre, duke lënë gjithçka në nivel spekulimesh.