Kostoja mesatare e një dasme në Shtetet e Bashkuara ka arritur rreth 35,000 dollarë, një shifër që në disa raste tejkalon edhe shumën që dikur mjaftonte për një pagesë fillestare (20%) për blerjen e një shtëpie mesatare.

Rritja e çmimeve lidhet me shtrenjtimin e ambienteve, ushqimit, paketave të fotografisë dhe sidomos me presionin e rrjeteve sociale për një dasmë “perfekte”.

Sipas këshilltarëve financiarë, shumë çifte po hyjnë në martesë me borxhe, duke shpenzuar për një ditë të vetme në vend që të investojnë në stabilitet afatgjatë si blerja e shtëpisë apo kursimet.

Ky trend po ndikon edhe në shtyrjen e martesave dhe po rrit numrin e çifteve që zgjedhin dasma më të vogla ose ceremoni civile më ekonomike.