Sipas Institutit GAP, Gjermania dhe Zvicra janë investitorët kryesorë, me 268.7 milion euro dhe 223.9 milion euro përkatësisht, duke përbërë së bashku 48% të totalit të investimeve.

Ndër shtetet e tjera që kanë kontribuar më së shumti janë Shqipëria me 103.6 milion euro, Shtetet e Bashkuara të Amerikës me 92.5 milion euro dhe Austria me 59.8 milion euro.

Sektori i patundshmërisë ka dominuar investimet, duke tërhequr 770 milion euro apo 75% të totalit. Pas tij renditen aktivitetet financiare dhe të sigurimit, tregtia, informimi dhe komunikimi, si dhe sektori i energjisë.

Ky zhvillim reflekton një rritje të interesit të investitorëve të huaj për tregun e Kosovës dhe potencialin e tij ekonomik.