Ora verore do të mbetet në fuqi deri më 25 tetor 2026 dhe synon shfrytëzimin më të mirë të dritës natyrale, duke kontribuar në kursimin e energjisë elektrike.

Kjo praktikë u përhap në Evropë gjatë viteve 1970, në kohën e krizës së naftës, ndërsa që nga viti 1996 zbatohet një rregullore e përbashkët për ndryshimin e orës në pranverë dhe në vjeshtë.

Megjithatë, ndryshimi i orës vazhdon të jetë subjekt debatesh, pasi kritikët paralajmërojnë për ndikime të mundshme në shëndet dhe vënë në dyshim efektin real në kursimin e energjisë.