Borussia Dortmund dështoi të siguronte fitore ndaj Bodø/Glimt, duke barazuar 2-2, dhe mbrojtësi Nico Schlotterbeck nuk i kurseu kritikat për bashkëlojtarët.

Ai tha se skuadra luajti dobët pas epërsisë dhe lojtarët që hynë nga banka humbën pothuajse çdo top, duke mos arritur të mbyllnin ndeshjen si duhet. “Kur hyn në lojë në minutën e 60-të, pres 30 minuta në nivel maksimal. Por disa nuk e kuptuan rëndësinë dhe më pas ankohen për ngarkesë,” tha Schlotterbeck, duke reflektuar frustrimin e çdo tifoz.

Kritikat iu bashkua edhe Felix Nmecha, i cili e quajti paraqitjen e skuadrës “arrogante dhe mendjemadhe”. Megjithatë, Dortmundi mbetet vetëm një pikë larg kualifikimit në raundin e 16-të të Ligës së Kampionëve, ndërsa e pret një kalendar i vështirë me udhëtimet ndaj Tottenham dhe Interit.