Çmimet e biletave të autobusëve në disa linja rajonale kanë pësuar rritje, sipas një njoftimi të publikuar nga transportuesit, i cili ka hyrë në fuqi nga sot.

Sipas listës së re, udhëtarët në linjën Mitrovicë – Prishtinë do të paguajnë 2 euro për një drejtim.

Ndryshime janë bërë edhe në linja të tjera, përfshirë:

• Mitrovicë – Vushtrri: 0.70 €
• Vushtrri – Prishtinë: 1.50 €
• Shupkovc – Prishtinë: 2 €
• Kqiq i Vogël – Prishtinë: 2 €
• Kqiq / Smrekonicë / Dobërllukë – Prishtinë: 1.50 €

Po ashtu, për disa fshatra drejt Vushtrrisë, bileta kushton 1 euro, ndërsa për nxënësit 0.70 euro.

Njoftimi është nënshkruar nga përfaqësuesi i transportuesit dhe pritet të zbatohet në të gjitha linjat e përfshira.