Elon Musk ka shprehur mbështetje për bashkimin e kompanive SpaceX dhe Tesla, duke thënë se një marrëveshje e tillë mund të ketë përfitime. Megjithatë, vendimi përfundimtar do të varet nga komitetet përkatëse të aksionarëve të të dyja kompanive.

Gjatë një bisede me investitorët të martën, Musk tha se bashkimi ka argumente në favor të tij, por theksoi se procesi duhet të zhvillohet sipas procedurave përkatëse, pasi ai vetë është palë e përfshirë.

Deklaratat vijnë në një kohë kur SpaceX raportoi rezultate financiare mbi pritjet e analistëve. Kompania regjistroi të hyra prej 14.6 miliardë dollarësh në tremujorin e fundit, 161 për qind më shumë krahasuar me të njëjtën periudhë të vitit paraprak, si dhe fitim neto prej 4.4 miliardë dollarësh.

Ndërkohë, SpaceX po përballet edhe me pyetje lidhur me shërbimet satelitore Starlink dhe Starshield në Ukrainë. Autoritetet ukrainase kanë pretenduar se kufizimet në shërbimin Starlink kanë penguar mbrojtjen e vendit, ndërsa Musk ka deklaruar se Starshield kontrollohet nga qeveria amerikane dhe se kufizimet vendosen nga ushtria amerikane.