Agjentët e rinj të inteligjencës artificiale po mund të kryejnë detyra online në emër të përdoruesve, nga blerjet dhe rezervimet deri te komunikimi me shërbimet e klientëve. Megjithatë, ekspertët paralajmërojnë se përdorimi i tyre mund të sjellë probleme për sigurinë, privatësinë dhe funksionimin e internetit.

Sipas një analize të BBC-së, agjenti i ri AI Muse i kompanisë Meta mund të përdorë shfletuesin e internetit për të kryer detyra të ndryshme, por për këtë mund të kërkojë qasje në të dhëna personale, përfshirë emailin dhe kalendarin e përdoruesit.

Ekspertët paralajmërojnë se përdorimi masiv i këtyre mjeteve mund të rrisë konkurrencën me përdoruesit për bileta koncertesh, termine dhe rezervime. Gjithashtu, kërkesat e automatizuara mund të mbingarkojnë faqet e internetit dhe bizneset e vogla.

Shqetësim tjetër është privatësia. Sipas raportimit, të dhënat e përdoruesve mund të përdoren për trajnimin e modeleve të inteligjencës artificiale, ndërsa një cenueshmëri sigurie e identifikuar në Muse ka ngritur pikëpyetje për mbrojtjen e informacionit personal. Meta thotë se ka masa mbrojtëse dhe kontrolle për përdoruesit.

Ekspertët vlerësojnë se nevojiten rregulla dhe standarde më të qarta për këta agjentë, në mënyrë që përfitimet e teknologjisë të shfrytëzohen pa rrezikuar të dhënat personale dhe shërbimet online.