Drejtori ekzekutiv i Nvidia-s, Jensen Huang, ka paralajmëruar se Gjermania rrezikon të mbetet prapa në garën globale për inteligjencën artificiale, duke theksuar se hezitimi dhe proceset e gjata të analizimit po ngadalësojnë përparimin e Evropës. Në përgjigje të këtyre sfidave, qeveria gjermane po përgatit një partneritet me Nvidia-n, që synon përshpejtimin e përdorimit të inteligjencës artificiale në industri. Nisma pritet të përfshijë rreth dhjetë kompani gjermane, mes tyre Siemens dhe Audi, si dhe kompaninë Black Forest Labs. Qeveria planifikon të investojë qindra miliona euro për të siguruar kapacitete të avancuara kompjuterike dhe për të mbështetur zhvillimin e sistemeve të inteligjencës artificiale me burim të hapur. Synimi është që Gjermania të bëhet më tërheqëse për inovacionin dhe investimet teknologjike.