Sean “Diddy” Combs do të qëndrojë më gjatë në burg, pasi data e planifikuar e lirimit është shtyrë nga 21 janari në 2 mars 2028, sipas të dhënave të publikuara nga Byroja Federale e Burgjeve dhe të raportuara nga Daily Mail. Ndryshimi vjen pasi Diddy raportohet se është dërguar sërish në izolim, ndërsa autoritetet po hetojnë pretendimet se ai kishte marrë ndihmë të veçantë nga të burgosur të tjerë për disa shërbime. Nuk është bërë e ditur nëse hetimi vazhdon dhe nëse lidhet me qëndrimin e tij në izolim. Byroja Federale e Burgjeve nuk ka komentuar për arsyet e ndryshimit të datës, ndërsa përfaqësuesja e Diddy-t tha se ekipi i tij nuk mund t’i verifikojë në mënyrë të pavarur këto raportime.