Për ditën e sotme nuk do të ketë kufizim të qarkullimit për automjetet e transportit të mallrave me masë totale mbi 20 tonë.

Ministria e Infrastrukturës dhe Transportit ka njoftuar se, bazuar në parashikimet zyrtare të temperaturave, nuk janë plotësuar kushtet për zbatimin e kufizimeve të përkohshme të qarkullimit.

Ministria ka bërë të ditur se do të vazhdojë të monitorojë parashikimet e motit dhe do t’i njoftojë me kohë qytetarët dhe operatorët ekonomikë në rast se krijohen kushtet për vendosjen e kufizimeve.