Kompania Rajonale e Ujësjellësit “Prishtina” ka identifikuar disa lidhje ilegale në rrjetin e ujësjellësit në lagjen Veternik dhe në disa lokale në sheshin e Prishtinës.

Sipas KRU “Prishtina”, lidhjet e paligjshme janë shkyçur nga rrjeti gjatë një aksioni për identifikimin e tyre.

Kompania ka bërë të ditur se rastet e identifikuara do t’u përcillen institucioneve kompetente, përfshirë Prokurorinë, për procedim të mëtejshëm.

KRU “Prishtina” ka publikuar edhe fotografi nga aksioni, ku shihet procesi i identifikimit dhe shkyçjes së lidhjeve ilegale.