Drejtori i Përgjithshëm i Shërbimit Korrektues të Kosovës, Ismail Dibrani, ka pritur në takim dy zyrtarë të FBI-së, në kuadër të bashkëpunimit ndërmjet institucioneve të sigurisë dhe zbatimit të ligjit.

Gjatë takimit është diskutuar për parandalimin dhe luftimin e terrorizmit, menaxhimin e rreziqeve të sigurisë dhe forcimin e kapaciteteve profesionale të SHKK-së përmes shkëmbimit të përvojave dhe praktikave ndërkombëtare.

Sipas njoftimit, bashkëpunimi mes institucioneve është vlerësuar si i rëndësishëm dhe palët janë dakorduar që ai të vazhdojë dhe të intensifikohet përmes koordinimit, shkëmbimit të informatave dhe aktiviteteve të përbashkëta profesionale.