Mërgimtarët dhe qytetarët që po udhëtojnë përmes pikave kufitare të Kosovës po përballen me prithee të ndryshme, varësisht nga vendkalimi.

Sipas të dhënave të Qendrës Kombëtare për Menaxhim Kufitar, pritjet më të gjata janë regjistruar në pikën kufitare Dheu i Bardhë, ku në dalje nga Kosova pritja arrin deri në 60 minuta.

Në Merdarë, pritjet në dalje janë deri në 40 minuta, ndërsa në Han të Elezit pritjet arrijnë rreth 10 minuta në të dy drejtimet.

Në shumicën e pikave të tjera kufitare, qarkullimi është më i shpejtë, me pritje nga 3 deri në 5 minuta. Në disa pika si Qafa e Prushit, pritjet janë edhe më të shkurtra, nga 1 deri në 3 minuta.

Autoritetet vazhdojnë të monitorojnë gjendjen në pikat kufitare, veçanërisht gjatë sezonit të pushimeve kur fluksi i udhëtarëve rritet.