Pasaporta e Shteteve të Bashkuara nuk konsiderohet më ndër më të fuqishmet në botë për udhëtime pa viza. Sipas indeksit të fundit të Henley Passport Index, SHBA-ja renditet në vendin e 10-të, me qasje pa vizë në 180 destinacione.

Në krye të renditjes për vitin 2026 është Singapori, qytetarët e të cilit mund të udhëtojnë pa vizë ose me vizë në mbërritje në 192 destinacione.

Në vendin e dytë renditen Japonia, Koreja e Jugut dhe Emiratet e Bashkuara Arabe me qasje në 188 destinacione, ndërsa Suedia zë vendin e tretë me 187 destinacione.

Ekspertët thonë se fuqia e një pasaporte lidhet me marrëdhëniet diplomatike, ekonominë dhe besimin ndërkombëtar ndaj një shteti. Ndërkohë, hendeku mes pasaportave më të fuqishme dhe atyre më të dobëta në botë është rritur ndjeshëm gjatë 20 viteve të fundit.