Edhe pse Kupa e Botës 2026 u konsiderua një sukses sportiv dhe organizativ, një analizë e publikuar nga CNN tregon se ndikimi ekonomik në Shtetet e Bashkuara ishte shumë më i vogël se sa ishte parashikuar.

Sipas të dhënave, nuk pati rritje të ndjeshme të punësimit, turizmit, çmimeve të hoteleve apo shitjeve me pakicë gjatë turneut. FIFA kishte parashikuar se Kupa e Botës do të gjeneronte mbi 30 miliardë dollarë për ekonominë amerikane dhe rreth 185 mijë vende pune, por shifrat zyrtare nuk e mbështesin këtë vlerësim.

Megjithatë, bizneset e vogla në disa qytete pritëse përfituan nga rritja e vizitorëve, ndërsa ekspertët theksojnë se turneu solli edhe përfitime joekonomike, si promovimin e futbollit, bashkimin e tifozëve dhe rritjen e interesimit për këtë sport në SHBA.