Agjencia amerikane e hapësirës NASA ka përshpejtuar planet për ndërtimin e një baze në Hënë, duke nënshkruar marrëveshje të reja me kompani private për dërgimin e pajisjeve dhe teknologjisë në sipërfaqen hënore.

NASA ka njoftuar se do të investojë rreth 590 milionë dollarë në misione me kompanitë Astrobotic, Firefly Aerospace dhe Intuitive Machines për transportimin e rovers-ave, landerëve dhe pajisjeve shkencore në Hënë.

Plani i quajtur “Faza 1” synon krijimin e një infrastrukture bazë deri në vitin 2028, ndërsa në dekadat e ardhshme parashihet ndërtimi i një vendbanimi të përhershëm për astronautët.

Sipas NASA-s, ky projekt është pjesë e programit Artemis dhe synon forcimin e pranisë amerikane në hapësirë, në një kohë kur edhe Kina po avancon me programin e saj hënor.