Në provincën Baloçistan të Pakistanit, një nga rajonet më të varfra të vendit, mijëra persona janë të përfshirë në kontrabandën e karburantit që vjen nga Irani, një aktivitet ilegal por jetik për shumë familje.

Një prej tyre është Mazaar, i cili udhëton me motor të mbingarkuar me disa bidona të mëdhenj me karburant, duke rrezikuar jetën çdo ditë në temperatura që arrijnë deri në 50°C.

Karburanti i kontrabanduar shitet në tregje të hapura dhe përdoret si burim i vetëm të ardhurash për shumë banorë, të cilët thonë se nuk kanë alternativa pune për shkak të varfërisë dhe mungesës së zhvillimit ekonomik në rajon.

Ekspertët theksojnë se kjo dukuri është rritur vitet e fundit, e ndikuar nga çmimet e larta të energjisë dhe situata gjeopolitike në rajon.

Pavarësisht rreziqeve serioze, për shumë banorë të Baloçistanit kjo mbetet mënyra e vetme për të siguruar jetesën.