Një valë ekstreme e të nxehtit ka përfshirë disa vende të Evropës, duke shkaktuar dhjetëra viktima dhe temperatura rekord në shumë qytete të mëdha.

Në Francë, autoritetet kanë konfirmuar të paktën 40 raste të mbytjeve dhe vdekjeve të lidhura me të nxehtin që nga e enjtja, ndërsa temperaturat kanë arritur nivele rekord për muajin qershor. Kryeministri francez ka bërë thirrje për kujdes të shtuar, veçanërisht gjatë notit në zona të pa mbikëqyrura.

Situatë e rënduar është raportuar edhe në Spanjë dhe Itali, ku temperaturat kanë kaluar 40°C në disa rajone, duke aktivizuar alarme të kuqe shëndetësore. Në Itali, disa qytete të mëdha si Roma, Milano dhe Firence janë vendosur nën masa emergjente për shkak të rrezikut për shëndetin publik.

Autoritetet paralajmërojnë se shumë incidente fatale kanë ndodhur si pasojë e nënvlerësimit të rrezikut nga i nxehti ekstrem dhe aktivitetet në ujë.

Ekspertët theksojnë se valët e të nxehtit në Evropë po bëhen gjithnjë e më të shpeshta dhe më intensive si pasojë e ndryshimeve klimatike.