Ndërsa SHBA dhe Irani po negociojnë rihapjen e Ngushticës së Hormuzit dhe rikthimin e rrjedhës së naftës në Lindjen e Mesme, vëmendja e tregjeve botërore po kthehet te një faktor vendimtar: Kina.

Si konsumatori më i madh i naftës në botë pas SHBA-së, Kina ka ndikuar ndjeshëm në stabilizimin e tregut duke ulur importet, përdorur rezerva të mëdha strategjike dhe duke rritur përdorimin e energjisë së pastër. Këto masa kanë ndihmuar në zbutjen e rritjes së çmimeve globale të naftës.

Sipas analistëve, edhe pse lufta në Iran ka ndikuar në furnizimin global, çmimet e naftës nuk kanë shënuar rritjet ekstreme të pritshme, pikërisht për shkak të rolit të Kinës në treg.

Ekspertët theksojnë se Kina po vepron si një “faktor stabilizues” duke menaxhuar konsumin dhe duke përdorur rezervat e saj të mëdha të naftës, ndërsa rritja e përdorimit të veturave elektrike po e ul më tej kërkesën për karburante fosile.

Megjithatë, mbetet e paqartë se sa gjatë Kina mund të vazhdojë të balancojë tregun global të naftës, sidomos në rast të ndryshimeve të shpejta në furnizim dhe kërkesë.