Kryetari i Komunës së Prishtinës, Përparim Rama, ka njoftuar se është përkrahur procesi i financimit për 15 autobusë elektrikë dhe 2 tramvaj për kryeqytetin.

Sipas tij, ky projekt synon modernizimin e transportit publik në Prishtinë, duke sjellë mjete transporti 100 për qind elektrike, më moderne dhe më të qasshme për qytetarët.

Rama ka theksuar se ky investim pritet të përmirësojë shërbimet e transportit urban, si dhe të ndikojë në uljen e ndotjes së ajrit në kryeqytet, duke e afruar Prishtinën me standardet e qyteteve moderne evropiane.