Ekspertët shëndetësorë po paralajmërojnë gjithnjë e më shumë për ndikimin që alkooli ka në organizëm, duke theksuar se edhe sasitë e vogla mund të dëmtojnë shëndetin.

Sipas studimeve të fundit, konsumimi i alkoolit lidhet drejtpërdrejt me mbi 60 sëmundje, përfshirë problemet me zemrën, mëlçinë, pankreasin, si dhe disa lloje të kancerit.

Mjekët thonë se alkooli dobëson sistemin imunitar vetëm pak minuta pas konsumimit dhe mund të rrisë rrezikun për infeksione, diabet, tension të lartë, dëmtime të trurit dhe demencë.

Ekspertët paralajmërojnë se nuk ekziston një sasi plotësisht “e sigurt” e alkoolit, ndërsa konsumimi i vazhdueshëm dhe i tepërt mund të shkaktojë dëme afatgjata në organizëm.

Megjithatë, specialistët theksojnë se reduktimi ose ndërprerja e konsumimit të alkoolit mund të ndihmojë në përmirësimin e shëndetit dhe uljen e rrezikut për shumë sëmundje, veçanërisht nëse veprohet herët.