Ministria e Arsimit ka paraparë masa më të rrepta për parandalimin e parregullsive gjatë provimit, veçanërisht ndaj kopjimit. Sipas ministrit Hajrullah Çeku, synohet krijimi i kushteve më të përshtatshme në hapësirat e testimit për të minimizuar ndërhyrjet dhe shkeljet.

Projektligji përfshin edhe rritjen e ndëshkimeve për shkeljet, me gjoba që variojnë nga 1 mijë deri në 20 mijë euro, sidomos në rastet kur parregullsitë nuk raportohen.

Organizatat monitoruese të arsimit kanë ngritur vazhdimisht shqetësime për përfshirjen e palëve të ndryshme në tolerimin e kopjimit, duke krijuar pabarazi mes nxënësve. Ata presin që ndryshimet e reja të ndikojnë pozitivisht në integritetin e provimit.

Gjatë diskutimeve është theksuar edhe nevoja për përmirësimin e përkthimit të testeve në gjuhët e komuniteteve joshumicë, me qëllim lehtësimin e procesit për të gjithë nxënësit.