Ky progres i atribuohet investimeve të vazhdueshme në Kujdesin Parësor Shëndetësor dhe zgjerimit të shërbimeve për nënat dhe fëmijët. Një rol kyç ka luajtur Programi i Vizitave në Shtëpi, i cili tashmë është implementuar në të gjitha komunat dhe është integruar në politikat shtetërore të shëndetësisë.

Ministri i Shëndetësisë, Arben Vitia, theksoi se institucionet do të vazhdojnë me politika të bazuara në evidencë për të ruajtur dhe avancuar këtë progres.

Programi mbështetet nga partnerë ndërkombëtarë, përfshirë UNICEF dhe Dukatin e Madh të Luksemburgut, duke ofruar mbështetje të drejtpërdrejtë për gratë shtatzëna, të porsalindurit dhe familjet në nevojë.

Megjithatë, raporti vëren se pabarazitë globale në qasjen ndaj shërbimeve shëndetësore mbeten sfidë, duke theksuar rëndësinë e vazhdimit të investimeve në këtë sektor.