Një studim i ri tregon se përqafimet nuk janë të këndshme për qentë – përkundrazi, shumicën i stresojnë. Ndërsa njerëzit i shohin si shprehje dashurie, qentë i interpretojnë si kufizim, gjë që u shkakton ankth.
Nga analiza e 250 fotove me njerëz që përqafojnë qentë, mbi 80% e qenve shfaqën shenja stresi, si kthimi i kokës, lëpirja e buzëve apo veshë të sheshtë. Vetëm 8% dukeshin rehat. Një tjetër studim me video tregoi se dy të tretat e qenve përpiqeshin të kafshonin si reagim ndaj përqafimeve.
Ekspertët thonë se kjo është normale, pasi qentë parapëlqejnë të ikin në situata stresi – përqafimi e ndalon këtë instinkt dhe i bën të reagojnë mbrojtës. Qëllimi është dashuria, por efektet mund të jenë të kundërta.