9 korriku- Dita më e shkurtër në histori

Të Tjera | 10.07.2025 Ora 7:48

Shkencëtarët kanë regjistruar një nga ditët më të shkurtra ndonjëherë më 9 korrik 2025, pasi Toka është rrotulluar 1.3 deri në 1.51 milisekonda më shpejt se norma prej 24 orësh.

Ky shpejtim i lehtë i rrotullimit lidhet me pozicionin e tanishëm të Hënës, e cila ndodhet më afër poleve të Tokës dhe ndikon në balancën e saj gravitacionale. Të njëjtat efekte pritet të ndodhin më 22 korrik dhe 5 gusht.

Për të matur këtë ndryshim të vogël por të rëndësishëm, përdoren orë atomike dhe sisteme satelitore me saktësi ekstreme. Sipas ekspertëve, nëse ky ritëm vazhdon, deri më 2029 mund të futet për herë të parë në histori një “sekondë negative” për të balancuar matjen e kohës globale.

Ndërkohë, ky ndryshim nuk përbën rrezik, por konsiderohet një fenomen i rrallë dhe “i paprecedentë” në sistemin modern të matjes së kohës.