Suedia ndalon lënien e qenit vetëm për më shumë se 6 orë

Të Tjera | 10.07.2025 Ora 8:13

Në Suedi, të lësh qenin vetëm në shtëpi për më shumë se gjashtë orë mund të të kushtojë shtrenjtë – madje edhe me pasoja ligjore. Ky është një ndër ligjet më të rrepta për mirëqenien e kafshëve në botë, i cili bazohet në idenë se qentë janë anëtarë të familjes dhe jo thjesht kafshë shtëpiake.

Ligji kërkon që kafshët të kenë kujdes të rregullt fizik dhe emocional, përfshirë ecje ditore dhe kontakt të vazhdueshëm me njerëzit. Kjo politikë ka marrë vlerësime nga shumë aktivistë për të drejtat e kafshëve, por është parë si sfiduese për t’u zbatuar në vende të tjera si SHBA apo Britania e Madhe, ku mënyra e jetesës është më pak fleksibile.

Megjithatë, ky ligj ka rikthyer një debat të rëndësishëm: Sa gjatë është shumë gjatë për ta lënë një qen vetëm?
Dhe ndoshta, për ata që e quajnë veten “dashamirës të kafshëve”, është momenti për reflektim.