Filmi “Superman”, i pari në universin e ri filmik të DC-së, i drejtuar nga James Gunn, ka ndarë opinionin e publikut dhe kritikëve. Me David Corenswet në rolin kryesor dhe Rachel Brosnahan si Lois Lane, filmi shmang historinë klasike të origjinës dhe vendos direkt në mes të aksionit, ku Superman tashmë është hero me përvojë dhe në lidhje me Lois.

Gunn ka sjellë një qasje të çuditshme, plot elemente nga komikët dhe fantazi të çmendur – nga qentë fluturues, tek universet paralele dhe personazhe që më shumë duken si nga ndonjë lojë video sesa nga një epikë superheronjsh. Edhe pse kjo qasje argëton fansat më të zjarrtë të komikëve, shumë kritikë e kanë konsideruar filmin si të shpërqendruar, të shpejtë dhe emocionalisht bosh.

Një nga kritikat kryesore është mungesa e kohës për zhvillim të karakterit të Superman-it – që edhe pse i luajtur me shumë karizëm nga Corenswet, shpesh sillet më shumë si një adoleshent emocional sesa si simboli i drejtësisë dhe shpëtimit.