Fifth Harmony thuhet se janë në bisedime për një ribashkim në vitin 2026 – por pa Camila Cabello.

 Sipas The Hollywood Reporter, Ally Brooke, Normani, Dinah Jane dhe Lauren Jauregui po planifikojnë një turne dhe dokumentar për të shënuar 10-vjetorin e albumit 7/27 dhe hitit “Work From Home”.

Camila ishte larguar nga grupi në vitin 2016 për të ndjekur një karrierë solo.

Rikthimi pritet të udhëhiqet nga menaxheri muzikor Will Bracey, bashkëshorti i Ally-t. Për thashethemet, vajzat janë shprehur të hapura për një ribashkim, edhe pse Lauren theksoi se për momentin është e përqendruar tek albumi i saj solo.

Dinah, nga ana tjetër, tha se është e lumtur që muzika e tyre po vlerësohet sërish, pas një periudhe kur ndiheshin të anashkaluara. Javë më parë, u përfol se edhe Camila kishte pasur biseda me ish-anëtaret për një ribashkim të mundshëm, por ende asgjë nuk është konfirmuar.

 Grupi u formua në vitin 2012 në The X Factor USA dhe që nga shpërbërja, të gjitha anëtaret kanë ndjekur karriera solo, me Camila që ka pasur sukses të madh me hitet “Havana” dhe “Señorita”.