Katër anëtarët e grupit ikonik suedez të popit ABBA u ribashkuan të premten për të marrë një nga nderimet kryesore të vendit i cili nuk i është dorëzuar askujt në të paktën 50 vjet, “Urdhrin Mbretëror Vasa”, gjatë një ceremonie në pallatin mbretëror në Stokholm.

Agnetha Faltskog, Bjorn Ulvaeus, Benny Andersson dhe Anni-Frid Lyngstad, të cilët rrallë dalin publikisht së bashku dhe tani janë në të 70-at, iu dorëzuan urdhrat e tyre nga Mbreti Carl XVI Gustaf “për kontribute shumë të shquara në jetën muzikore suedeze dhe ndërkombëtare”, sipas në Oborrin Mbretëror.

Titujt u dorëzuan nga mbreti King Carl XVI Gustaf në pallatin mbretëror dhe ceremonia u transmetua drejtpërdrejt në televizionet suedeze.

Monarku u tregoi Andersson, Faltskog, Lyngstad dhe Ulvaeus stemën e vendosur në një kuti të kuqe ndërsa mbretëresha Silvia u dorëzoi diplomat.

Kjo ngjarje ndodh 50 vite pas fitores së ABBA në Eurovision në Brighton me këngën “Waterloo” që i ka bërë të jenë më të suksesshmit në historinë e kompeticionit muzikor. Ata kanë shitur mijëra disqe në mbarë botën dhe ‘musical’-i i famshëm i bazuar në këngët e tyre, “Mamma Mia!” feston përvjetorin e 25-të dhe për të janë realizuar dy filma.