Electronic Arts (EA) po anulon një lojë të ardhshme “Star Wars”  dhe si pasojë do të pushojë nga puna 5% të punonjësve të saj në mbarë botën - rreth 670 persona.Ky  është shembulli më i fundit i shkurtimeve të vendeve të punës që përfshin industrinë e lojrave.
 
Firma tha se "racionalizimi" do të "siguronte përvoja më të thella dhe më të lidhura për fansat".
 
"Meqenëse është një kohë jashtëzakonisht e vështirë për të marrë fonde për të filluar një studio të re lojërash, e në anën tjetër mijëra punëtorë që pushohen nga puna çdo muaj, videolojërat rrezikojnë të humbasin talentët që mbesin jashtë industrisë dhe kjo do të ndikoj për vite me radhë në këtë industri," tha Rich. Barham, një ish-ekzekutiv në studion e lojrave, Blizzard.
 
EA njoftoi në dhjetor 2023 se do të pushonte nga puna stafin në zhvilluesin në Mbretërinë e Bashkuar Codemasters, i njohur për lojërat garash F1 23 dhe EA Sports WRC.