Ministri i Shëndetësisë, Arben Vitia, e cilësoi këtë sukses si një moment shprese për shumë gra dhe çifte që përballen me infertilitet.

Sipas drejtorit të Klinikës së Gjinekologjisë, Zef Ndrejaj, në këtë repart aplikohet një nga metodat më moderne të fertilizimit të asistuar, ndërsa deri më tani janë trajtuar mbi 2,100 paciente.

Shërbimi i IVF-së, i cili ka nisur funksionimin vitin e kaluar, është i pajisur me teknologji bashkëkohore dhe ka ngjallur interes të lartë nga qytetarët. Ndryshe nga klinikat private ku kostot janë të larta, në Klinikën e Gjinekologjisë dy procedurat e para ofrohen pa pagesë.

Autoritetet shëndetësore vlerësojnë se ky zhvillim do të ndikojë drejtpërdrejt në rritjen e mundësive për trajtimin e infertilitetit në Kosovë.