Walt Disney Pictures ka avancuar me adaptimin live-action të Tangled, duke mbajtur së fundmi audicione dhe teste kimie në Londër për rolet e Rapunzel dhe Flynn Rider, raporton The Hollywood Reporter.

Për rolin e Rapunzel, disa aktore janë në konsideratë, përfshirë Freya Skye (Zombies 4), Sarah Catherine Hook (White Lotus), Teagan Croft (Titans) dhe Olivia-Mai Barrett (Invasion). Ndërkohë, për personazhin e Flynn Rider kanë testuar aktorë si Milo Manheim, Charlie Gillespie dhe Gilli Jones.

Edhe pse Disney ka mbajtur një qasje mjaft diskrete rreth projektit, burime pranë studios bëjnë të ditur se vendimi për kastin përfundimtar mund të shpallet së shpejti. Aktualisht, filmi nuk ka ende një datë zyrtare të publikimit.

Filmi i animuar Tangled, me zërat e Mandy Moore dhe Zachary Levi, konsiderohet një nga klasikët modernë të Disney-t dhe është i disponueshëm për shikim në Disney+.