Sony Pictures ka angazhuar regjisorin Paul King, i njohur për filmat Paddington dhe Wonka, për të drejtuar dhe prodhuar filmin Labubu, bazuar në lodrat e njohura koleksionuese të Pop Mart.

Studioja siguroi të drejtat e adaptimit në nëntor 2025, ndërsa projekti ndodhet ende në fazë të hershme zhvillimi dhe aktualisht nuk ka një skenarist të konfirmuar. Sony po bashkëpunon ngushtë me Pop Mart, kompaninë kineze që qëndron pas suksesit global të markës.

Nuk është bërë ende e ditur nëse filmi do të jetë i animuar apo live-action, por me Paul King në krye, pritet një kombinim i aktorëve realë dhe animacionit, në stilin e filmave Paddington.

Labubu, i krijuar nga artisti Kasing Lung, është shndërruar në një fenomen kulturor falë modelit të shitjes “blind box” dhe mbështetjes nga figura të njohura si Lisa e BLACKPINK. Nëse filmi i parë rezulton i suksesshëm, Sony synon ta zhvillojë Labubu si një franchise afatgjatë kinematografike.