OpenAI ka nënshkruar një partneritet të madh me kompaninë Broadcom për të zhvilluar çipa të personalizuar për inteligjencën artificiale, me një fuqi prej 10 gigavatësh – një sasi energjie që mund të furnizojë një qytet të tërë.

Ky bashkëpunim vjen pas marrëveshjeve me gjigantë të tjerë si Nvidia dhe AMD, ndërsa OpenAI kërkon të sigurojë më shumë burime kompjuterike për shërbimet e saj, përfshirë ChatGPT, i cili tashmë ka 800 milionë përdorues në javë.

Sipas Reuters, infrastruktura e re do të konsumojë aq energji sa 8 milionë shtëpi amerikane. Ekspertët paralajmërojnë se rritja e përdorimit të AI-së po ndikon ndjeshëm në konsumin global të energjisë, me qendrat e të dhënave që pritet të arrijnë 12% të konsumit total të SHBA-së deri në vitin 2028.

Sam Altman, bashkëthemelues dhe CEO i OpenAI, tha se kjo marrëveshje është një hap vendimtar për të ndërtuar infrastrukturën e nevojshme për të “çliruar potencialin e AI-së dhe për të sjellë përfitime reale për njerëzit dhe bizneset.”