Orlando Bloom duket se po gjen ngushëllim tek psikologjia për të analizuar ndarjen e tij nga këngëtarja Katy Perry. Ylli i Pirates of the Caribbean ndau në rrjetet sociale disa thënie të famshme nga psikiatri dhe psikologu zviceran Carl Gustav Jung, duke prekur tema si vetmia, varësia, qëllimi i ekzistencës njerëzore, dashuria dhe fuqia.

Në një nga postimet, Bloom theksoi:

“Vetmia nuk vjen nga mungesa e njerëzve përreth, por nga pamundësia për të komunikuar gjërat që janë të rëndësishme për veten.”

Në një tjetër citim shkruhej:

“Njerëzit do të bëjnë gjithçka, sado absurde, për të shmangur përballjen me shpirtin e tyre.”

Ai ndau edhe disa mesazhe të tjera filozofike, si:

“Të mendosh është e vështirë, prandaj shumica gjykojnë.”
dhe
“Këpuca që i përshtatet një personi, i shtrëngon tjetrin; nuk ka recetë universale për të jetuar.”

Nuk është plotësisht e qartë nëse Orlando po i referohet drejtpërdrejt përfundimit të marrëdhënies me Katy Perry, por mesazhet e tij enigmatike vijnë vetëm një javë pasi u konfirmua ndarja e çiftit. Ndërkohë, Orlando u pa i vetëm në dasmën e Jeff Bezos dhe Lauren Sánchez në fundjavë, ku sipas raportimeve ishte gati për të festuar, edhe pse nuk kishte plan të sillte ndonjë të re në hotelin e tij luksoz në Venecia.

Nga ana tjetër, Katy Perry la të kuptohej disi për gjendjen e saj emocionale përmes një selfie të realizuar me quokka-n, një marsupial i njohur australian, që e përshkroi me fjalën “mood: Quokka.”

As Katy dhe as Orlando nuk e kanë komentuar publikisht ndarjen në mënyrë të drejtpërdrejtë, por duket se të dy po reflektojnë në mënyrën e tyre mbi fundin e lidhjes.