Vala e të nxehtit, një kujtesë për urgjencën klimatike

Të Tjera | 03.07.2025 Ora 7:49

Në kushte temperaturash jashtëzakonisht të larta në disa vende europiane, nevoja për t’u përshtatur me klimën gjithnjë e më të paqëndrueshme po bëhet më e qartë se kurrë, shkruan The Guardian.

Portugalia dhe Spanja regjistruan mbi 46°C gjatë fundjavës, ndërsa shkencëtarët e mbledhur në një konferencë në Exeter po diskutojnë për “pikëthyerjet klimatike”, momente të rrezikshme ku ndodhin ndryshime të pakthyeshme. Megjithatë, profesori Timothy Lenton sugjeron se ky koncept mund të shihet edhe në mënyrë pozitive, për shembull me rritjen e shpejtë të energjisë diellore apo automjeteve elektrike.

Gazeta thekson se, përveç ndihmës për njerëzit që po përballen me valët e të nxehtit, liderët duhet ta shfrytëzojnë këtë moment për të forcuar mesazhin rreth rëndësisë së objektivave klimatike dhe ndryshimeve të domosdoshme në urbanistikë, ndërtim dhe energji.